Kòmbersashon ku mucha

Tep pa un bon kòmbersashon

Mucha ta haña importante pa abo komo profeshonal mustra interes genuino den nan, skucha nan i tuma nan opinion na konsiderashon. Kon bo ta posishoná bo mes i ki pregunta bo ta hasi?

Un promé impreshon

Mucha ta “scan” bo den algun sekònde. Por krea un promé impreshon solamente un biaha. Si algu otro ta pone bo sinti malu, bisa e mucha abiertamente i honestamente. E mucha por separá esaki for di e “scan” ku el a hasi. Ta importante pa e mucha sinti ku e ta importante. Por ehèmpel, bisa: “Waw, mi ta impreshoná ku e manera kon bo ta konta bo historia. Esaki ta yuda mi enormemente pa yuda abo (i bo mayornan)!”

Tepnan práktiko pa papia ku mucha

• Haña ku e kombersashon ku e mucha ta bale la pena!
• Papia ku e mucha separá. Bo por papia ku un mucha maltratá òf neglishá tokante su problemanan for di un edat hopi yòn.
• Papia ku un mucha den un kamber kaminda bo no por wòrdu strobá kada bes òf kaminda tur hende por wak aden. Purba di sinta diagonal banda di e mucha, pa asina e mucha no mester wak bo tur ora. Ta sumamente tenso pa konta algu malu na un hende ku bo no konosé (asina bon) i ademas wak nan.
• Indiká na kuminsamentu di e kòmbersashon ku lo bo hasi tur tipo di pregunta, pero ku bo no sa e kontestanan. Si e mucha no sa algu, e por bisa esei. Tambe bo ke pa e mucha koregí bo si bo bisa algu robes i pa e papia si e no ta komprondé algu ku bo ta bisando.
• Sea habrí i relahá den bo aktitut, no hasi muchu pregunta tras di otro, duna e mucha e oportunidat pa pensa kon i kiko e ke bisa.
• Hasi preguntanan habrí, òf kontestá ku “kiko a pasa e ora ei”, òf “kiko a pasa den bo mente”, “kiko bo a pensa di esei”. Purba di evitá preguntanan tokante emoshon. E ora ei e por yega hopi serka di kas pa un mucha. Ademas, muchanan hopi biaha no sa kon nan a sinti na un momento asina, hopi biaha nan ta purba di no sinti nada.
• Komo profeshonal, keda bo mes, un ser humano: no bira un protokòl riba pia òf un profeshonal riba piloto outomátiko. Nunka trata un mucha komo un ‘kaso’, komo un ‘kos’ òf komo un ‘kliente/pashònt’. Mucha ta sinti perfektamente si nan ta tratando ku un adulto ku realmente ke tei pa nan òf nò.

• Sea honesto i sinsero, indiká si bo no sa algu òf si bo ta sinti tímido tokante e situashon.
• Duna e mucha un chèns hustu pa konta su historia, laga un banda bo sintimentunan di (des)lealtat tokante e mayornan. E mucha por deskualifiká su mayornan, pero abo nò. Hasi un diferensia entre persona i komportashon.
• No traishoná konfiansa di un mucha. No hasi nada sin laga e mucha sa kiko bo ta bai hasi. Tuma desishon ku e mucha, informá e mucha, involukrá e mucha.

Importante den un bon kòmbersashon

• Sea berdaderamente interesá den e mucha.
• Tuma e mucha na serio.
• Laga e mucha pensa huntu ku bo tokante desishonnan.
• Splika progreso di e proseso.
• Keda den kontakto, asta si no tin problema.

Ehèmpel di interes genuino

• ‘Ora mi wak bo mi tin e impreshon ku bo ta sinti hopi strès, esei ta korekto? Kiko ta strès bo?’
• “Kon bo dia tabata awe?”
• ‘Bo a bisa ku kosnan ta bayendo mihó na kas/bo ta sinti bo mihó. Mi ta kontentu pa bo!’
• ‘Mi sa/por mira ku bo ta den un situashon difísil, mi ta haña hopi laf pa bo’.
• Duna kòmplimènt pa un dibuho/karson nobo/un talento/algu otro.

Rekonosementu di kontenido
E kontenido aki a wòrdu suministrá dor di Augeo (www.augeo.nl) i ta wòrdu uzá riba e wèpsait aki ku nan pèrmit. E teksto a wòrdu tradusí i adaptá ku aprobashon di e fuente original.